Pasi Presidenti i SHBA-së, Donald Trump, tha se lufta me Iranin do të përfundonte “shumë shpejt”, çmimet e naftës në tregun ndërkombëtar ranë me pothuajse një përqind.Kontratat e ardhshme të naftës së papërpunuar Brent ranë me 88 cent, ose 0.8 përqind, në 110.4 dollarë për fuçi, ndërsa kontratat e ardhshme të naftës së papërpunuar West Texas Intermediate ranë me 0.6 përqind, ose 67 cent, në 103.48 dollarë, raportoi Al Jazeera.
“Çmimet referuese janë ulur nga një marrëveshje e mundshme, ndërsa tregu vlerëson rezultatet gjeopolitike. Megjithatë, çmimet ka të ngjarë të tregojnë një potencial rritjeje edhe nëse arrihet një marrëveshje, duke pasur parasysh se furnizimi nuk ka gjasa të kthehet menjëherë në nivelet e para luftës”, tha për agjencinë e lajmeve Reuters Emril Jamil, analist i lartë i kërkimit të naftës në Bursën e Londrës (LSEG) .
