Një tragjedi ka ndodhur mbrëmjen e djeshme pranë brigjeve të Barit, ku një rimorkiator i nisur nga Ankona drejt Shqipërisë për disa punime, është mbytur, duke shkaktuar vdekjen e një personi dhe zhdukjen e 7 të tjerëve. Komandanti i mjetit, një 63 vjecar nga Katania, u arrit të shpëtohej nga një anije që u nis menjëherë në zonë prej autoriteteve portuale italiane. Operacionet e kërkimit për personat e zhdukur, vazhdojnë, të koordinuara dhe nga salla operative e Kapitenerisë së Portit të Barit. Pesë anije mbështetëse kanë mbërritur aty, përfshirë një mjet kroat, të cilat asistohen nga ajri dhe me helicopter, ndërsa kanë hasur në vështirësi për shkak të erëravë të forta. Mësohet se komandanti i gjetur në një gomone, është në gjendje shoku në Poliklinikën e Barit. Rimorkiatori “Franco P” i kompanisë Ilma, i cili u nis mbrëmë për të mbërritur në Shqipëri, ku duhej të tërhiqte një varke me 9 persona.
