Komanda e Forcave Ajrore të Ukrainës thotë se “rreth një duzinë” aeroplanë luftarakë rusë mund të jenë shkatërruar në shpërthimet në një aeroport në Krimenë e pushtuar nga Rusia.
“Duke gjykuar nga pamjet që kemi parë në rrjetet sociale, është e qartë se depoja e municioneve të tyre është goditur”, tha zëdhënësi i Forcave Ajrore, Yuriy Ihnat për TV ukrainas, shkruan BBC, përcjell Telegrafi.
Bombarduesit Su-34 dhe aeroplanët Su-24 u goditën, dhe “ndoshta” edhe helikopterë, ka thënë më tej ai.
Ministria ruse e mbrojtjes këmbëngul se shpërthimet ishin për shkak të municioneve që kishin shpërthyer në një depo dhe se nuk kishte “ndikim zjarri” nga jashtë – megjithëse kjo nuk është verifikuar në mënyrë të pavarur.
Dhe ndihmësi i presidentit ukrainas Mykhailo Podolyak ka mohuar se Ukraina ishte pas shpërthimeve, duke i thënë kanalit televiziv online Dozhd: “Sigurisht që jo. Çfarë kemi të bëjmë me këtë?”. /Telegrafi/
