Presidenti francez Emmanuel Macron do të zhvillojë sot një bisedë telefonike me homologun e tij ukrainas Volodymyr Zelensky për situatën në termocentralin bërthamor Zaporizhzhia, i cili është nën kontrollin rus në Ukrainën jugore.
Të dy liderët do të komunikojnë “kryesisht për të biseduar rreth situatës rreth stacionit të Zaporizhia”, njoftoi presidenca franceze.
Ky stacion, më i madhi në Evropë, ra nën kontrollin e trupave ruse në fillim të marsit, në fillim të pushtimit rus të Ukrainës më 24 shkurt.
Që nga fundi i korrikut, disa sulme artilerie janë raportuar në uzinë, për të cilat palët ndërluftuese fajësojnë njëra-tjetrën, duke ngritur shqetësimin se mund të shkaktohet një fatkeqësi bërthamore.
Çështja u diskutua javën e kaluar në Këshillin e Sigurimit të OKB-së.
Një “katastrofë” në termocentral do të kërcënonte të gjithë Evropën, paralajmëroi Zelensky të hënën, duke akuzuar ushtrinë ruse për “bombardimin e qyteteve dhe komuniteteve të afërta” nga centrali bërthamor.
Komunikimi më i fundit telefonik i dy liderëve ishte më 1 gusht.
Macron, i cili ishte me pushime që prej 29 korrikut, kishte shprehur kënaqësinë e tij në atë kohë për rifillimin e anijeve me grurë nga jugu i Ukrainës, të cilat ishin bllokuar nga sulmi rus.
