Një zjarr i madh ka shpërthyer në fabrikën e polisterolit pranë Bihaqit në Bosnje. Sipas informacioneve zyrtare nga Mbrojtja Civile e qytetit të Bihaqit, bëhet fjalë për fabrikën Austrotherm në rajonin e Turlisë.
Sirena janë dëgjuar në tërë qytetin dhe janë nisur në drejtim të fabrikës, në anën tjetër ekipet e zjarrfikësve kanë njoftuar se bëhet fjalë për një gaz të helmueshëm që është shumë i rrezikshëm për njeriun dhe që është liruar, transmeton Telegrafi.
E nëse digjet një sasi e madhe e polisterolit (stiroporit), është rrezik që të zgjerohen gazrat toksikë dhe kancerogjenë gjatë ndezjes.
Tani për tani nuk po mbretëron situatë paniku, por qytetarët janë paralajmëruar të largohen sa më larg nga vendi ku ka zjarr.
Deri më tani nuk dihen shkaqet që quan te ky shpërthim i zjarrit në këtë fabrikë, e hetuesit thonë se janë duke punuar në këtë drejtim. /Telegrafi/
