India po planifikon të kufizojë eksportet e sheqerit për herë të parë në gjashtë vjet për të parandaluar një rritje të çmimeve vendore, duke kufizuar potencialisht eksportet e këtij sezoni në 10 milionë tonë, tha një burim qeveritar për Reuters, të martën.
India është prodhuesi më i madh në botë i sheqerit dhe eksportuesi i dytë më i madh pas Brazilit.
Fillimisht, India planifikoi të kufizonte eksportet e sheqerit në 8 milionë tonë, por qeveria më vonë vendosi të lejojë mullinjtë të shesin më shumë sheqer në tregun botëror, pasi u bënë rivlerësime të prodhimit.
Shoqata Indiane e Mullinjve të Sheqerit, një organ prodhues, rishikoi parashikimin e saj të prodhimit në 35.5 milion ton, nga vlerësimi i mëparshëm prej 31 milion ton. Mullinjtë indiane deri më tani kanë nënshkruar kontrata për të eksportuar 8.5 milionë tonë sheqer në vitin aktual 2021/22. Nga 8.5 milionë tonët e kontraktuar, mullinjtë kanë dërguar tashmë rreth 7.1 milionë tonë ëmbëltues.
