Ukraina mori sot dy miliardë euro fonde mbështetëse nga Bashkimi Evropian, kësti i parë i një pakete prej pesë miliardë eurosh.
Dhurimi u bë në vazhdën e luftës me Rusinë, e cila shpërtheu në shkurt dhe nuk tregon asnjë shenjë të ngadalësimit.
Kryeministri ukrainas Denys Shmyhal e përshëndeti mbështetjen e dorëzuar ga Bashkimi Evropian.
“Burimet shtesë financiare do të ndihmojnë në mbulimin e shpenzimeve urgjente buxhetore, veçanërisht për sferën sociale dhe humanitare”, ka thënë Shmyhal.
Granatimet goditën përsëri Kievin të hënën, me sulme të raportuara gjithashtu në Kharkiv, Dnipro, Mykolaiv dhe Zhytomyr.
