Rreth 12,000 shqiptarë kane mbërritur me varka të vogla këtë vit në Britaninë e Madhe.
Një shifër shumë e larte po të krahasohet me 800 në 2021 dhe vetëm 50 në 2020.
Eshte ky lajmi i debatuar fort në Parlamentin Britanik dhe që ka pushtuar të gjitha mediat vendase.
“The Times”, shkruan se kufijtë e Britanisë janë “të mbingarkuar” nga kalimet e emigrantëve duke iu referuar deklaratës së zyrtarëve të Home Office.
Shumica e emigrantëve shqiptarë paraqitën kërkesa për azil ose thanë se ishin viktima të skllavërisë moderne, u shprehën zyrtarët britanikë.
Një numer i madh personash u zhdukën nga hotelet e përdorura për të strehuar azilkërkuesit brenda disa ditësh nga mbërritja në Britani.
Një nga zyrtaret e forcës kufitare thote se rritja e emigrimit lidhet me bandat kriminale shqiptare që “fituan një terren” në Francën veriore,
Atje, shqiptarët u vunë në kontakt me bandat shqiptare në Britani, të cilat dominonin në tregtinë e drogës, trafikimin e qenieve njerëzore, armët dhe prostitucionin.
/Euronews Albania/
