Forcat e Armatosura të Ukrainës kanë njoftuar se kanë fundosur dy anije ruse në Detin e Zi. Lajmin e bëri të ditur komanda operacionale “Jug” në Facebook, duke saktësuar se janë anije ushtarake ruse të fshehura në grykëderdhjen e Dnieper.
Këto anije ishin në gatishmëri për të kryer operacione sabotazhi dhe zbulimi.
Sipas të njëjtit burim, të cituar nga mediat, dje mbrojtësit ukrainas shkatërruan tre depo municionesh të pro-rusëve në Jug. Kujtojmë se në prill ukrainasit kanë fundosur anijen “Moskva”, një nga anijet luftarake më të rëndësishme të Marinës ruse. /abcnews.al/
