Kombet e Bashkuara apeluan për një fond rekord prej 51.5 miliardë dollarësh që do të shkojnë për ndihma humanitare në vitin 2023, një pjesë e mirë e së cilës do të shkojë për Ukrainën.
OKB-ja bëri thirrje për fonde rekord për ndihma vitin e ardhshëm, pasi lufta në Ukrainë dhe konflikte të tjera, emergjencat klimatike dhe pandemia po i shtyjnë më shumë njerëz në krizë, dhe disa drejt urisë.
OKB vlerësoi se 339 milionë njerëz në mbarë botën do të kenë nevojë për një lloj ndihme urgjente vitin e ardhshëm, 65 milionë njerëz më shumë se vlerësimi i një viti më parë.
Apeli vjetor i agjencive të OKB-së dhe organizatave të tjera humanitare thoshte se ofrimi i ndihmës për 230 milionë njerëzit më të rrezikuar në 68 vende do të kërkonte 51.5 miliardë dollarë rekord.
Ngjarjet klimatike, pasiguria ushqimore, shpërnguljet e detyruara dhe konflikti kanë shkaktuar një dëmtim të madh në një sërë vendesh, jo më pak në Ukrainë, ku pushtimi i plotë i Rusisë në shkurt ka lënë miliona njerëz në nevojë të madhe.
“Viti i ardhshëm do të jetë programi më i madh humanitar” që bota ka parë ndonjëherë, u tha gazetarëve në Gjenevë shefi i ndihmës i OKB-së, Martin Griffiths.
