Numri i të vdekurve nga cikloni Gabriel që goditi Zelandën e Re të dielën e kaluar ka shkuar në nëntë, duke shtuar frikën se numri i të vdekurve mund të rritet ndërsa kërkimet vazhdojnë për të zhdukurit.
Policia tha se një burrë i gjetur i vdekur në zonën e Haëke’s Bay “supozohet se ka vdekur nga kushtet që lidhen me ciklonin Gabriel”, duke e çuar numrin e të vdekurve në nëntë. Dhjetëra mijëra familje mbetën pa energji elektrike, trafiku u bllokua në disa rrugë.
Kryeministri Chris Hipkins e përshkroi si “katastrofën më të keqe natyrore” të Zelandës së Re në dekada dhe paralajmëroi se numri i të vdekurve ka të ngjarë të rritet pasi autoritetet ende nuk kanë arritur të komunikojnë me disa komunitete.
Gati 5,000 njerëz nuk kanë qenë në kontakt me të afërmit apo miqtë që kur cikloni goditi vendin. Policia beson se shumica e tyre thjesht nuk kanë akses në rrjetet e komunikimit, pasi 62,000 familje mbeten pa energji elektrike.
Dy morgje të përkohshme janë ngritur në rajonin e Gjirit Haëke, një zonë kryesisht rurale që përfshin qytetet Napier, Hastings dhe Wairoa.
