Mijëra protestues dolën në rrugë në ish-republikën sovjetike të Moldavisë për të demonstruar kundër qeverisë pro-evropiane dhe çmimeve të larta të gazit.
Disa media në kryeqytetin Kishinau raportuan përleshje mes protestuesve dhe policisë.
Sipas policisë u arrestuan më shumë se 50 persona.
Shumë qytetare moldavë thanë se nuk ishin në gjendje të paguanin më faturat e gazit dhe shpenzimet e jetesës. Protestat nisën në muajin shkurt.
Nënkryetarja e partisë opozitare ȘOR, Marina Tauber, akuzoi policinë për përdorim të dhunës.
“Pjesëmarrësit e tubimit kërkuan që qeveria të paguajë faturat e gazit gjatë muajve të dimrit”, tha Tauber.
Ata thanë gjithashtu se ishin kundër përhapjes së ndikimeve të luftës në Ukrainën fqinje në vendin e tyre.
Protestuesit akuzuan qeverinë, e cila mbështetet nga Perëndimi, se nuk ka plan një plan për t’i ardhur në ndihmë popullit.
“Varfëria në vend është rritur masivisht”, sipas ekspertëve.
Presidentja Maia Sandu ka akuzuar Rusinë për destabilizimin e qëllimshëm të situatës politike të Moldavisë në një përpjekje për të kryer një grusht shteti.
Sandu, e cila mbështetet nga Bashkimi Evropian dhe SHBA-ja, e ka larguar Moldavinë nga Rusia dhe furnizimet me gaz prej të cilës varet.
Shumë moldavë ankohen se gazi, i cili dikur ishte i përballueshëm, tani kushton tre herë më shumë, sepse blihet shumë më shtrenjtë./Atsh
