Qeveria greke bëri sot një njoftim të rëndësishëm për të gjithë ata që punojnë në vendin fqinj.
Kryeministri grek, Kyriakos Mitsotakis, bëri me dije se nga 1 prilli rroga minimale në vend do të rritet me 9.4%, duke e çuar kështu në 780 euro në muaj.
Kjo është rritja e tretë e pagës minimale që kryeministri grek ka bërë gjatë mandatit të tij. Mitsotakis kujtoi se në 2019 paga minimale në vend ishte 650 euro.
“Nuk kam iluzione, e di që në vendin tonë rrogat janë ende të ulëta dhe ato janë të shtypura më shumë nga inflacioni i importuar. E dëgjoj gjatë gjithë kohës sidomos nga të rinjtë dhe të rejat që e kanë të vështirë të nxjerrin shpenzimet e muajit..Kjo rritje e re padyshim nuk e zgjidh problemin por është një lehtësim i konsiderueshëm dhe mbi të gjitha tregon synimin tonë për të rritur pagat në si në sektorin publik ashtu edhe në atë privat”, tha kryeministri grek./albeu.com/
