Sulmet ruse kanë goditur këtë të martë ndërtesat e Muzeut Historik në rajonin lindor të Kharkiv. Mediat ndërkombëtare raportojnë se si pasojë e bombardimeve kanë mbetur të plagosur të paktën pesë persona.
“Armiku goditi qendrën e Kupyansk. Ndërtesa e Muzeut të Historisë Lokale u godit”, tha kreu i administratës ushtarake rajonale të Kharkiv, Oleh Syniehubov, në një postim në Telegram.
Autoritetet theksuan se krahas pesë të plagosurve, të paktën dy persona të tjerë janë nën rrënoja. Megjithatë shërbimet e urgjencës ukrainase po punojnë në vendngjarje.
Forcat ruse dyshohet se kanë përdorur një raketë tokë-tokë S-300 për të shënjestruar Kupyansk, sipas shefit të shtabit të presidentit ukrainas, Andrii Yermak.
