Presidenti ukrainas Volodymyr Zelensky ka deklaruar se Gjykata Ndërkombëtare Penale ka filluar një hetim për shembjen e digës.
Në një fjalim të mbajtur gjatë natës, Zelensky tha se: “Përfaqësuesit e Gjykatës Ndërkombëtare Penale kanë vizituar rajonin e Khersonit ditët e fundit.”
“Në ditën e parë pas katastrofës, zyra e prokurorit të përgjithshëm dërgoi një kërkesë përkatëse në Gjykatën Penale Ndërkombëtare në lidhje me një hetim të kësaj fatkeqësie dhe puna tashmë ka filluar”– tha presidenti.
Sipas Zelenskyt, përafërsisht 4,000 banorë janë evakuuar nga ekipet e shpëtimit ukrainas.
