Një tërmet i fortë me magnitudë 6.2 Rihter u regjistrua mëngjesin e sotëm në Filipine, sipas Shërbimit Gjeologjik të SHBA (USGS).
Si pasojë e pasgoditjeve të vazhdueshme ka rrezik për shembje dhe dëmtim të banesave.
Epiqendra e tërmetit është regjistruar pranë qytetit Calatangan, provinca Batangas, jo shumë larg kryeqytetit Manila. Deri më tani nuk raportohet për viktima apo dëme të rënda materiale.
Ronald Torres, oficer i ndihmës për fatkeqësitë në Calatangan, tha se tërmeti zgjati nga 30 sekonda në 1 minutë. Është ndjerë veçanërisht në kryeqytet, ku banorët kanë dalë me nxitim nga ndërtesat.
