Katër persona humbën jetën të premten herët pasi një aeroplan mallrash ushtarak rus u rrëzua në qytetin perëndimor të Moskës Ryazan.
Avioni i ngarkesave ushtarake II-76 — u rrëzua dhe mori flakë ndërsa përpiqej të bënte një ulje në qytetin rus.
“Pesë persona u shtruan në spital me lëndime”, tha agjencia shtetërore e lajmeve RIA .
Agjencia e lajmeve Interfax citoi ministrinë ruse të mbrojtjes të thoshte se avioni kishte pësuar një problem në motor gjatë një fluturimi stërvitor. Ministria nuk dha detaje për vdekjet e ekuipazhit, transmeton rtv21.tv.
Kjo vjen vetëm disa ditë pasi forcat ukrainase rrëzuan një avion rus Su-25 FROGFOOT dhe piloti më pas u kap. Sipas inteligjencës britanike, piloti ka pranuar se ishte një ish-major i Forcave Ajrore Ruse, i cili ishte punësuar si kontraktor ushtarak Wagner dhe kishte kryer disa misione gjatë konfliktit.
Luftimet në lindje janë intensifikuar me guvernatorin e Lysychansk duke thënë të premten se trupat ukrainase zmbrapsën një sulm rus në periferi jugore të Lysychansk, qyteti i fundit plotësisht i kontrolluar nga ukrainas në rajonin e Luhansk./21Media/
