Një tren doli nga shinat në Misurin verior pasi u përplas me një kamion. Shërbimi hekurudhor kombëtar i pasagjerëve të SHBA-së, raportoi se të paktën 50 u plagosën ndërsa 3 persona humbën jetën.
Treni, me rreth 243 pasagjerë dhe dymbëdhjetë anëtarë të ekuipazhit, goditi automjetin në një vendkalim publik pranë Mendon, Misuri, ndërsa po udhëtonte drejt lindjes nga Los Anxhelosi në Çikago. Dy lokomotiva dolën nga shinat.
Mendon është në një zonë rurale rreth 160 km në verilindje të Kansas City, Misuri. Tre pacientë u dërguan në një spital të Kujdesit Shëndetësor të Universitetit të Misurit në Kolumbia. Bordi Federal i Sigurisë Kombëtare të Transportit ka hapur një hetim mbi incidentin.
Pamjet treguan tetë makina të cilat u shkatërruan pasi treni u përplas me to kur doli nga shinat. Helikopterët dhe ekipet e shpëtimin u vendosën në dispozicion për të ndihmuar njerëzit. Megjithëse daljet nga shinat e trenave Amtrak janë të rralla, ka pasur disa në vitet e fundit.
Në shtator të vitit të kaluar, një tren që doli nga shinat në Montana vrau tre persona dhe plagosi dhjetëra të tjerë. Në vitin 2018, tre persona u vranë kur një tren Amtrak udhëtoi në rrugën e gabuar dhe goditi një tren mallrash të parkuar.
