Gazprom i Rusisë ka shkurtuar furnizimin me gaz në Gjermani nëpërmjet tubacionit Nord Stream 1 me 60 për qind për shkak të asaj që pretendon se është një vonesë në dërgimin e pajisjeve në Siemens për riparim.
Pezullimi i eksporteve të gazit nga Rusia do t’i kushtojë Gjermanisë 12.7 për qind të PBB-së në gjysmën e dytë të vitit, sipas të dhënave të paraqitura nga shoqata industriale vbw.
Për shkak të furnizimeve të reduktuara, Gjermania njoftoi një fazë të dytë të gatishmërisë për krizën e furnizimit, duke u thënë kompanive dhe qytetarëve se duhet të ulin konsumin, pasi krijimi i stoqeve dimërore është prioritet.
Për të adresuar mungesën e mundshme, qeveria planifikon gjithashtu të prezantojë më shumë gaz natyror të lëngshëm (LNG) për ta bërë atë më pak të varur nga tubacioni.
Një total prej 1,003 teravat-orë gaz u konsumuan në Gjermani vitin e kaluar dhe një e treta u përdor nga industria.
Gjysma e 41 milionë familjeve ngrohen me gaz dhe me fillimin e sezonit të ngrohjes, qeveria dëshiron të mbushë magazinat nëntokësore ku mund të depozitojnë mjaftueshëm për dy muaj e gjysmë konsum, deri në 80 për qind. Aktualisht është plot 60.3 për qind.
Shoqata Industriale bavareze vbw porositi një studim për të përcaktuar se çfarë do të nënkuptonte një pezullim të plotë të furnizimeve ruse për ekonominë më të madhe të Evropës.
Rezultatet treguan se të parët që do të goditen do të jenë prodhuesit e qelqit, çelikut, kimikateve, qeramikës, ushqimeve dhe tekstileve, të cilët gjithashtu do të pësojnë më shumë.
Kur pasojat indirekte përfshihen në llogaritje, për shembull në zinxhirët e furnizimit, humbja e vlerësuar në krijimin e vlerës mund të jetë 193 miliardë euro gjatë një periudhe gjashtëmujore, zbuluan autorët e studimit.
“Një ndërprerje e papritur e importeve të gazit rus do të kishte gjithashtu një ndikim të rëndësishëm në fuqinë punëtore gjermane. “Aritmetikisht, pasojat do të preknin rreth 5.6 milionë vende pune”, tha Bertram Brosard, CEO i VBW.
