33 të vdekur dhe 18 të zhdukur nga përmbytjet në Kinë

Autoritetet kineze kanë bërë të ditur se 33 persona kanë humbur jetën dhe 18 të tjerë mbesin ende të zhdukur nga përmbytjet e mëdha qe goditën Pekinin javën e kaluar, raporton agjencia AP.

Rajoni perëndimor i kryeqendrës së Kinës është goditur më së shumti, me reshjet ekstreme dhe përmbytjet që kanë prekur 310 mijë banorë dhe kanë dëmtuar 35 mijë shtëpi.

Pekini ka regjistruar reshjet e tij më të mëdha në të paktën 140 vjet, si pasojë edhe e tajfunit Doksuri që goditi këtë rajon.