Deputeti Fadil Zendeli në “Summer Click” në TV21 thotë se ka tepër subjekte politike në skenën politike shqiptare në Maqedoninë e Veriut. Zendeli tha se pa marrë parasysh këtë fakt, partitë do të filtrohen dhe në skenë do të mbeten ata që kanë qëndrueshmëri politike.
“Se kemi numër të tepërt të subjekteve politike, nuk ka, nuk do mend, nuk kërkohet ndonjë mençuri shumë e madhe që ta konstatojmë, por në fund të fundit prapë është garë, e drejtë e çdonjërit që të veprojë dhe më në fund brenda kësaj gare, debati politik, do të mbeten në skenën politike ato që realisht kanë konsistencë, kanë qëndrueshmëri”, tha Zendeli.
