Një DJ i njohur turk dyshohet se u torturua për vdekje në Londër nga disa banditë. Sipas mjekëve, burri fatkeq u rrah vazhdimisht me shkop dhe u godit me thikë në këmbë.
Mehmet Koray Alpergin, 43 vjeç dhe e dashura e tij 34-vjeçare, Gozde Dalbudak, u rrëmbyen nga gjashtë burra pranë stadiumit të Tottenham Hotspur ndërsa po ktheheshin në shtëpi nga një restorant italian në Mayfair më 13 tetor 2022, sipas Telegraph.
Autorët me siguri kishin instaluar një pajisje gjurmuese në makinën e burrit. Dyshja hipën në automjete të veçanta. Dj u gjet i zhveshur dhe i hedhur në një pyll dhe i ishte nënshtruar torturave të tmerrshme duke përfshirë rrahje me shkop, therje në këmbë dhe vuajtje të djegieve nga derdhja e ujit të nxehtë mbi të.
Trupi i tij i pajetë u gjet nga një burrë që kishte marrë qenin e tij për një shëtitje në pyll.
Prokuroria pretendon se Koray Alpergin u rrëmbye dhe u torturua ose për t’u ndëshkuar për diçka që kishte bërë ose për ta detyruar atë të dorëzonte diçka që e dinte, ndoshta vendndodhjen e drogës ose të parave -që rrëmbyesit e tij donin të dinin.
DJ i njohur gjithashtu thuhet se ishte në borxhe, duke përfshirë rreth 40,000 dollarë.
Të pandehurit mohuan çdo përfshirje apo pjesëmarrje në vrasjen e dj.
