Turqia përsëriti se nuk është kundër zgjerimit të NATO-s, por sipas saj vendet që mbështesin terrorizmin nuk mund të jenë anëtarë të aleancës. E kemi bërë të qartë atë që na shqetëson dhe që përfshin bisedimet mes këtyre dy vendeve, Finlandës e Suedisë dhe organizatat terroriste, Partinë e Punëtorëve të Kurdistanit dhe njësitë kurde të mbrojtjes, YPG, dhe sidomos ndihmat në armatime që u janë dhënë atyre nga Suedia. Megjithatë, NATO dhe Shtetet e Bashkuara u shprehën të bindura se Ankaraja nuk do ta ndalojë anëtarësimin e dy shteteve nordike në aleancën ushtarake perëndimore, gjë të cilën ato e kërkojnë tani, pas agresionit rus në Ukrainë. Presidenti finlandez Sauli Niinisto konfirmoi të dielën se vendi i tij do të aplikonte për të hyrë në NATO, ndërsa socialdemokratët në pushtet në Suedi njoftuan një ndryshim zyrtar të politikës që do t’i hapte rrugën vendit të tyre për të aplikuar brenda disa ditësh. Ministri i mbrojtjes i vendit, Peter Hultqvist, paralajmëroi se Suedia do të ishte në një situatë të rrezikshme nëse do të ishte i vetmi vend balltik që do të mbetej jashtë NATO-s. “Turqia kërkon që këto dy vende të ndalojnë mbështetjen për grupet militante kurde të pranishme në territorin e tyre dhe të hiqnin bllokadën për disa shitje armësh në Turqi. “Kam besim se do të jemi në gjendje t’u përgjigjemi shqetësimeve që ka shprehur Turqia në një mënyrë të tillë që të mos vonojë anëtarësimin,” tha Sekretari i Përgjithshëm i NATO-s, Jens Stoltenberg. Sekretari amerikan i Shtetit Antony Blinken nuk pranoi të jepte detaje nga bisedat me dyer të mbyllura në Berlin, por i bëri jehonë qëndrimit të Stoltenberg, duke shprehur bindjen se do të arrihet konsensus.
Read Next
Bota
17 hours ago
Blinken arrin në Izrael për bisedime
Lajme
19 hours ago
Ikja e mjekëve, problem rajonal
15 hours ago
ESHR: Parregullsi, në Klinikën e Onkologjisë, vetëm 24% e pacientëve me kancer marrin terapi biologjike
16 hours ago
Bislimi takon ambasadorin e Italisë, Antonello De Riu – kërkon largimin e masave ndaj Kosovës
16 hours ago
Drejtoresha e spitalit “Kozle”: Në rastin me foshnjën 14-muajshe nuk është konstatuar asnjë lëshim mjekësor
17 hours ago
Blinken arrin në Izrael për bisedime
17 hours ago
Pesë persona të vrarë në një shtëpi në afërsi të Seattle, mes tyre tre fëmijë – i dyshuari është një i mitur
18 hours ago
Shporta minimale për muajin tetor arrinë në 995 euro për një familje katër anëtarëshe
19 hours ago
Deputeti gjerman: Nëse Serbia dëshiron BE, duhet ta njohë Kosovën
19 hours ago
Ikja e mjekëve, problem rajonal
19 hours ago
Kosovë, mbi 13 mijë barna pa afat në barnatoren e QKUK-së
19 hours ago