Udhëheqësi çeçen Ramzan Kadyrov, një aleat i presidentit rus Vladimir Putin, ka kritikuar performancën e ushtrisë ruse gjatë luftimeve për Izyum, një qendër kryesore e furnizimit në provincën lindore të Ukrainës, Kharkiv, sipas mediave të huaja.
Në një mesazh zanor 11-minutësh të postuar në aplikacionin e mesazheve Telegram të shtunën, ai pranoi se fushata kishte dështuar.
“Nëse sot ose nesër nuk bëhen ndryshime në operacionin special ushtarak, unë do të detyrohem të shkoj te udhëheqësit e vendit për t’u shpjeguar atyre situatën në terren,” tha Kadyrov, udhëheqësi i Çeçenisë i emëruar nga Kremlini.
“Unë nuk jam një strateg si ata në ministrinë e mbrojtjes. Por është e qartë se janë bërë gabime. Ne kemi burrat tanë atje, luftëtarë të përgatitur posaçërisht për situata të tilla. 10,000 luftëtarë të tjerë janë gati t’u bashkohen atyre. Ne do të arrijmë në Odesa në të ardhmen më të afërt,” tha ai.
Nacionalistët rusë kërkuan të dielën që Putini të bënte ndryshime të menjëhershme për të siguruar fitoren përfundimtare në luftën e Ukrainës, një ditë pasi Moska u detyrua të braktiste bastionin e saj kryesor në Ukrainën verilindore.
Rënia e shpejtë e Izyum ishte disfata më e rëndë ushtarake e Rusisë që kur trupat e saj u detyruan të tërhiqeshin nga kryeqyteti ukrainas Kiev në mars./abcnews.al\
