“Përfshirja e bullgarëve në Preambulën e Kushtetutës ishte parashikuar dhe pranuar në kuadrin e negociatave nga 27 vendet anëtare të BE-së. Çdo deklaratë se kjo është diktat i Bullgarisë është propagandë e VMRO-DPMNE-së, pas së cilës fshihen interesat partiake për pushtet fitimprurës”, thotë për Frontline, Ismet Ramadani nga Këshilli Euro-Atlantik i Maqedonisë së Veriut, përcjell PRESSonline.al
“Futja e bullgarëve në Kushtetutë ishte parashikuar dhe pranuar në kuadrin e negociatave nga 27 vendet e BE-së. Prandaj, çdo deklaratë se kjo është diktat i Bullgarisë është propagandë e VMRO-DPMNE-së, pas së cilës fshihen interesat partiake për pushtet fitimprurës. Ky qëndrim i Mickoskit është keqpërdorim i tepruar i ndjenjave të një pjese të konsiderueshme të popullit maqedonas. Fatkeqësisht, këto qëndrime janë në kundërshtim me qëllimin strategjik të Maqedonisë së Veriut drejt anëtarësimit në BE. Ato mund të cilësohen edhe si antishtetërore. Përgjegjësia e Mickoskit është diçka më shumë se qëndrim politik demokratik, vlerëson Ramadani.
Ish-ambasadori i Maqedonisë në NATO, Nano Ruzhin, thotë se në mungesë të argumenteve mbrojtëse për mospranimin e ndryshimeve kushtetuese, opozita dhe mbi të gjitha Mickoski kërkon të gjitha llojet e preteksteve për të gjetur arsyetim para Bashkimit Evropian, para anëtarësisë së tij dhe para bashkësisë ndërkombëtare.
“Mickoski po kërkon arsye për refuzimin e plotësimit të Kushtetutës. Në thelb, është një truk i vjetër në politikë dhe është mirë që flasim për aksione, pra për të ashtuquajturat shpërblime në politikë që të ekspozohet se pse është kështu. Është e qartë se ai dëshiron zgjedhje të parakohshme parlamentare, pasi sipas vlerësimeve të tij opinioni publik është pro një politike të tillë të tij. Dhe një student e di se detyrimi kornizë ndaj BE-së është, mbi të gjitha, një çështje midis dy entiteteve, nga njëra anë BE-së dhe nga ana tjetër Republikës së Maqedonisë së Veriut. Bullgaria nuk ka lidhje me këtë çështje, por ai po ushqen pasionet, është një truk në politikë vetëm për të bindur pse nuk duhet ndryshuar Kushtetuta, tha Ruzhin për “Frontline”, përcjell PRESSonline.al
Sipas tij, pasi që ka shkuar shumë larg me refuzimin e tij, Mickoski nuk mund të ndryshojë vazhdimisht politikën e tij dhe të thotë tash pranojmë ndryshimin e Kushtetutës.
“Në atë rast, fushata dhe politika e tij do të ishin të dënuara me dështim të plotë, prandaj shpiken elemente të ndryshme”, nënvizon Ruzhin.
Analisti politik Qenan Aliu thotë se miratimi i kornizës së negociatave ka statusin e dokumentit të BE-së.
“Por, kuptohet se ky dokument është përpiluar si rezultat i vetos së nisur nga Bullgaria si anëtare e BE-së. Shprehja që Mickoski e përdor si “diktat bullgar” ka të bëjë me propagandën e përditshme politike”, tha Aliu në një deklaratë për “Frontline”, përcjell PRESSonline.al
Kryetari i shtetit, Stevo Pendarovski, në një intervistë ekskluzive për “Frontline” në bashkëpunim me CIVIL Media, ndër të tjera ka folur edhe për aktualitetin politik në vend.
Ai thekson se marrëveshja strategjike me SHBA-në dhe anëtarësimi në NATO janë garanci për stabilitetin e vendit dhe të rajonit në tërësi.
Lidhur me situatën aktuale politike në vend, Pendarovski thekson se narrativa e përdorur nga opozita për ndryshimet e nevojshme kushtetuese është drejtpërdrejt në kundërshtim me interesat strategjike, kombëtare dhe shtetërore të Maqedonisë.
“Një nga fyerjet më të mëdha për inteligjencën e qytetarit maqedonas është kur kornizën evropiane të negociatave e quani “diktat bullgar”, thotë Pendarovski në një intervistë për Frontline dhe CIVIL Media, përcjell PRESSonline.al.
Dhe ndërsa debati për ndryshimet kushtetuese vazhdon në vend, Bashkimi Evropian po shqyrton të 33 kapitujt e anëtarësimit: nga mbrojtja e konsumatorit te politika e jashtme, për të parë se çfarë duhet të bëjë Maqedonia e Veriut në secilën fushë politike për t’u bërë anëtare. Për të hapur dhe mbyllur ndonjë nga kapitujt, të gjitha shtetet anëtare duhet të japin dritën jeshile.\ Pressonline.al\
