Një thesar i shekullit të 17-të është gjetur në Bahamas, në një anijë spanjolle.
Thesari me bizhuteri, dollapësh dhe artefakte historike që datojnë nga mbytja legjendare e anijës “Maravillas” të shekullit të 17-të, u zbuluan në Bahamas dhe tashmë janë ekspozuar për publikun për t’i parë.
Nuestra Señora de las Maravillas (Zoja e Mrekullive), një galion spanjoll me dy kate, në Bahamas veriore më 4 janar 1656 në një udhëtim nga Kuba në Sevilje. Shkak për fundosjen e saj mendohet të ketë qenë goditja e një shkëmbi.
Ajo kishte transportuar thesare të shumta si nga taksat mbretërore ashtu edhe nga koleksionet private.
Mbetjet e anijes u shpërndanë disa milje nëpër oqean pa mbetur asnjë pjesë e plotë e saj.
Për më shumë se 360 vjet, arkeologët dhe aventurierët janë përpjekur të lokalizojnë mbeturinat e humbura në rrënoja.
Mjetet e teknologjisë së lartë dhe miratimi zyrtar i qeverisë Bahamiane për të kërkuar zonën e njohur si pika kryesore e rrënojave në veri të Bahamas kanë çuar në zbulime “mjaft befasuese”, tha sipërmarrësi i zbulimit Allen.
“Ne gjetëm mijëra artefakte. Armë, spiranca, smeralde… Kemi rreth 3,000 monedha argjendi dhe 25 monedha ari,” tha ai.
“Kur tërhoqa sendin e parë me vlerë, mbeta pa frymë. Kam menduar për të gjithë jetën time,” tha ai.
Gjetjet intriguese përfshijnë gjithashtu kavanoza ulliri spanjoll, porcelan kinez dhe pajisje hekuri.
Ekipi zbuloi gjithashtu një dorezë shpate argjendi që i përkiste ushtarit Don Martin de Aranda y Gusmán; katër varëse të anëtarëve të Urdhrit të Shën Santiago, një grup fetar kalorësish të përfshirë në tregtinë detare spanjolle, shkruan media e huaj.
