Një vajzë 8-vjeçare ishte në mesin e katër personave që u pickuan për vdekje nga një tufë e madhe bletësh, pas aksidentit të ndodhur me autobusin me të cilin po udhëtonin.
Sipas mediave të huaja, më shumë se 40 persona ndodheshin në autobus në momentin e përplasjes në zonën e Nikaraguas në Amerikën Qendrore.
Shumica e pasagjerëve i ka mbijetuar përplasjes, por katër persona përfshirë këtu edhe vajzën e vogël, u pickuan vazhdimisht nga bletët e zemëruara disa çaste më vonë.
Personat që humbën jetë nga picikimi i bletëve janë Eneyda Torrez Zelaya, 47 vjeç, vajza e saj tetë vjeçare Andrea Carolina Garcia Torrez, Dilcia Flores Amparo, 32 vjeç dhe 34-vjeçari Santos Arnulfo Calderon Castellon.
Fotografia e njërit prej viktimave tregon trupin e tij të mbuluar me mijëra pickime të kuqe të shkaktuara nga bletët, raporton Daily Star.
Besohet se shoferi kishte humbur kontrollin e automjetit për shkak të një dëmtimi mekanik, ndërsa po udhëtonin drejt La Rikës, një fshat rural në malet në veriperëndim të vendit.
Autobusi goditi kosheret e bletëve dhe përfundoi në një plantacion kafeje.
Të 45 pasagjerët thuhet se i mbijetuan përplasjes fillestare, pohojnë mediat lokale. Mjekët i dërguan pasagjerët në spital, megjithëse autoritetet ende nuk e kanë konfirmuar gjendjen shëndetësore të tyre./Opinion.al
