Ndërkohë një avion me dhjetëra udhëtarë në bord është ulur në Podgoricë pas fluturimit nga Izraeli mëngjesin e sotëm. Ministria e Jashtme e Malit të Zi njoftoi se 101 pasagjerë mbërritën në Podgoricë nga Izraeli, nga vende si Mali i Zi, Shqipëria, Kroacia, Maqedonia e Veriut, Kosova, Shtetet e Bashkuara të Amerikës, Sllovenia, Serbia dhe Suedia”. Fluturimi i evakuimit për në Podgoricë u krye në orët e hershme. Pas përcaktimit të listës së shtetasve malazezë që aplikuan për kthim, lista e pasagjerëve u zgjerua duke përfshirë pasagjerët që prisnin evakuimin nga disa vende të tjera dhe në komunikim me autoritetet e atyre vendeve.
