Ministria për Punë të Brendshme njofton se gjatë ditës së djeshme diku rreth orës 15:30 në Veleshtë të Strugës zyrtarët policorë kanë privuar nga liria personin A.I.(36) nga fshati Veleshtë.
“Gjatë bastisjes në shtëpinë e tij dhe në automjetin “Mercedes” me regjistrim të Strugës, të kryer me urdhër të gjykatës është gjetur dhe konfiskuar një pistoletë me kalibër 6.35 mm prodhim i Çekisë me një kornizë me pesë plumba të kalibrit 6,35 mm dhe 33 plumba të kalibrit 9 mm. I arrestuari u ndalua në komisariat dhe pas dokumentimit të plotë të rastit do të ngritët padi adekuate”, thuhet në njoftimin e MPB-së.
