Pasagjerëve që udhëtojnë me avion në Evropë nga java e ardhshme nuk do t’u kërkohet më të mbajnë maskë në fluturimin e tyre ose në një aeroport, sipas udhëzimeve të lëshuara të mërkurën nga Qendra Evropiane për Parandalimin dhe Kontrollin e Sëmundjeve (ECDC) dhe Agjencia e Sigurisë së Aviacionit të Bashkimit Evropian (EASA).
Agjencitë thanë se nivelet e vaksinimit, imuniteti i fituar natyrshëm dhe heqja e kufizimeve në disa vende evropiane qëndrojnë pas vendimit për heqjen e rekomandimit të detyrueshëm të maskës që ka qenë në fuqi që nga viti 2020, transmeton rtv21.tv.
Por dyshja thonë se mbajtja e një maskë për fytyrën është “ende një nga mbrojtjet më të mira kundër transmetimit të COVID-19”.
Rekomandimet e reja do të hyjnë në fuqi nga 16 maji. Por agjencitë thanë se rregullat e maskave do të ndryshojnë ende nga linja ajrore në linjë ajrore përtej asaj date.
Pasagjerëve që udhëtojnë në fluturime për në ose nga një destinacion ku mbajtja e maskës është ende e detyrueshme në transportin publik mund t’u kërkohet ende të mbajnë një maskë./21Media
