Ish kryeministri Sali Berisha në një mbledhje me anëtarët e Këshillit Kombëtar të PD ka pranuar për herë të parë hapur se situata brenda partisë nuk është e mirë dhe duhet ndryshuar me urgjencë për të dalë në përballje me qeverinë në zgjedhjet e ardhshme.
“Kam marrë gjatë gjithië kohës informacione dhe ju garantoj që është urgjente ndryshimi i situatës”, theksoi Berisha. Ai u kerkoi anetareve te Keshillit Kombetar qe te zhvillojne takime me cdo grup seksioni dhe te shfrytezojne potencialet e medha tek elektorati.
Sali Berisha: Ai moment është votimi, mobilizimi, prova e përgjithshme ajo betejë zhvillohet në nivel seksioni. Ku jemi ne në raport me këtë? Larg jemi, unë duhet të jem realist me ju. Kam marrë gjatë gjithië kohës informacione dhe juu garantoj që është urgjente ndryshimi i situatës. Askush mos mendojë se mund të fitohet vetëm me “makro aktivitete”. Jo nuk fitohet, ato janë të domosdoshme, por pa kombnimin e aktiviteteve të tjera në nivel seksioni, hyrje, blloku, në cdo skaj ne në këto kushte fitore nuk shohim, ne vetëm rrimë duke shprehur habira për veprimet e një njeriu, njeriu që vjedh cdo ditë qytetarët.
Në cdo ditë që kalon jemi të vonuar në përballjen tonë me të. Ju jam i sigurt që merrni cdo ditë pyetje dhe unë marr qe thone “cfarë po bëni, shtator ku jeni, ne po presim”. Revolta, urrejtja për këtë qeveri në shpirtin e qytetarëve e unë takoj të gjitha llojet, po vlon, po zien, po ne duhet të shtrojmë pyetjen kui jemi ne? Cfarë aktivitetesh kemi bërë ne gjatë kësaj periudhe?
Askush mos mendojë që nuk dëmtohemi kur mediat thonë Berisha ben takime po nuk ndjehen. E verteta eshte se bashkëpunëtorët e mi të afërt po bëjnë takime por nuk janë të përcjella në nivel seksioni e grup seksion sipas një plani, ne kemi nevojë emergjente.
T’u bëj një pyetje: Ju i keni ndjekur foltoret dhe takimet. Elementi më spikatës, më i rëndësishëm i tyre janë fjalët e atyre qytetareve dhe demokratëve jo fjalët e mia se të miat janë një mori cështjesh që i kaloj nga audienca në audiencë. A i shihni ju sa bukur flasin ata?
Potencialet i keni të jashtëzakonshme, shumë të mëdha por ama duhet t’i shfrytëzoni.
Protestat
Sali Berisha është shprehur se organizimi i revoltave, siç i quan ai “të fuqishme dhe paqësore”, do të nisë sa më parë të jetë e mundur.
Gjatë takimit me anëtarët e Këshillit Kombëtar, Berisha theksoi se po punohet me intensitet dhe “nuk ka asnjë lloj ndryshimi në mendim se kjo betejë duhet të nisë sa më parë”.
Sali Berisha: “Duhet të jetë detyrimisht shumëplanëshe, duke u përqendruar me gjithë potencialin në organizimin, në aktivitetet e lidhura me primaret ajo është dhe do mbetet, organizimin e revoltave të fuqishme paqësore në kohën më të parë të mundshme. Nuk është hequr dorë, dhe nuk do hiqet dorë. Përkundrazi, po punohet dhe do punohet me intensitet. Do bëhet gjithçka për të bashkërenduar këtë aktivitet me të gjithë faktorët e rëndësishëm të frontit për shpëtimin e Shqipërisë, me sindikatat.
Nuk ka asnjë lloj ndryshimi në mendim se kjo betejë duhet të nisë sa më parë. Ky mbetet një drejtim konstant i PD.
