Sekretari amerikan i Shtetit Anthony Blinken tha se kufizimi i çmimeve të energjisë do të ndihmojë në kufizimin e fitimeve të Rusisë nga shitja e energjisë.
Sipas sekretarit amerikan të shtetit, është një mekanizëm i mirë për të siguruar që produktet energjetike të jenë në treg, por që fitimi i Rusisë të ketë një kufi të sipërm.
“Rusia do të marrë vendimet që merr, por mendoj se do të ketë interes të vazhdojë të shesë energji”, tha Blinken, duke folur me gazetarët pas takimit dy-ditor të G7 në qytetin perëndimor gjerman të Münster, raportoi Reuters.
