Matematikanes ukrainase Maryna Viazovska iu dha një nga katër medaljet Fields, Çmimi Nobel në Matematikë.
38-vjeçarja u shpërblye për punën e saj në problemin e paketimit të sferave identike në hapësirën tredimensionale.
Gruaja e dytë që e fiton
Maryna Viazovska është gruaja e dytë që fiton çmimin e lakmuar, pas Maryam Mirzakhani në vitin 2014.
“Unë jam nga Kievi, Ukrainë. Në shkurt jeta ime ndryshoi përgjithmonë, por edhe për të gjithë njerëzit e botës. Ne shpesh i marrim si të mirëqena gjërat e mira në jetën tonë, madje edhe paqen. Tani e kuptoj sa gabova”, tha ajo në një video të postuar në YouTube nga Unioni Ndërkombëtar i Matematikës.
Dorëzimi i çmimit në Helsink, për shkak të luftës
Çmimi u krijua në 1936 dhe jepet çdo katër vjet nga Unioni Ndërkombëtar i Matematikës. Ai përbëhet nga një medalje ari dhe një shpërblim prej 15,000 dollarë kanadezë, për të festuar zbulimet e jashtëzakonshme të studiuesve nën 40 vjeç.
Ndryshe nga vitet e tjera, njoftimi u bë gjatë një eventi të veçantë të mbajtur në Helsink të Finlandës.
“Kongresi duhej të mbahej në Shën Petersburg, por më pas u vendos që për herë të parë të bëhej online. Një zgjedhje shumë e madhe politike për shkak të luftës”, tha Roberto Natalini, drejtor i Këshillit Kombëtar të Kërkimeve.
Çështja e sferave- Për çfarë e fitoi Viazovska çmimin?
“Sa gjyle topash mund të futen në vaskën e një anijeje?” Nga kjo pyetje lindi, pak më shumë se 400 vjet më parë, hamendësimi i astronomit Giovanni Kepler. Prova matematikore lejoi futjen e një sërë objektesh të rrumbullakëta brenda saj.
Matematikani amerikan Thomas Hales e kishte arritur në vitin 1998, por sfida ishte ta bënte atë me sfera më të mëdha se tre dimensione.
Viazovska ishte në gjendje ta bënte këtë me sfera deri në tetë dimensione. Zgjidhja e këtij problemi mund të jetë e dobishme për kodet e korrigjimit të gabimeve të sinjalit të telekomunikacionit.
