BELGJIKË-Vincent Van Quickenborne, i cili së fundmi dha dorëheqjen si Ministër i Drejtësisë pas sulmit terrorist të hënën e kaluar, foli për mediat mbi një ngjarje tronditëse personale. Në një intervistë, ish-ministri rrëfeu ngjarje gjatë kohës së tij në një konvikt në Gent. Ai tregon se gjatë asaj kohe ishte prekur nga një prift dhe kjo ishte diçka e zakonshme.
“Nëse do të ishe i sëmurë, prifti do të vinte në dhomën tënde dhe do të duhej të ulje pantallonat.” thotë Vincent Van Quickenborne, i cili pohon se shumë djem të rinj ishin viktima.
“Në konvikt në Gent, ne folëm për këtë dhe aty të gjithë e dinin. Ne bashkë me shokët pyetëm njëri-tjetrin nëse kishim përjetuar të njëjtën gjë dhe nuk i kemi treguar kurrë prindërve.” – tha ai, duke pranuar se ishte hera e parë që e rrëfeu ngjarjen e ndodhur kur ishte i ri.
Prifti, autor i këtyre abuzimeve, figuronte në listën me emra të priftërinjve të akuzuar për dhunë seksuale në vendin tonë. Ai tani ka vdekur, sipas Vincent Van Quickenborne.
