Skena ‘rrëqethëse’, siç i përcaktojnë hetuesit. Gruaja kishte denoncuar zhdukjen e burrit të saj tek karabinierët e Giffoni Valle Piana, në zonën e Salernos.
Por tashmë trupi i Ciro Palmierit, bukëpjekësit të vrarë nga gruaja e tij, Monica Milite, sipas hetuesve, djali i tij Massimiliano dhe djali tjetër, 15 vjeç, u gjet.
Ndërsa më i vogli nga djemtë, vetëm 11 vjeç, ishte dëshmitar i skenës “i shtangur dhe i habitur”, siç nënvizon prokurori.
Të dyshuarit treguan vendin ku e hodhën trupin, një zonë e paarritshme pranë rrugës provinciale 25 që lidh Giffoni Valle Piana me Serino, në provincën e Avellino.
Në vend ndodhen karabinierët, zjarrfikësit dhe specialistët e bërthamës speleologjike. Rruga është mbyllur për qarkullim.
Vrasja u filmua nga kamerat
Një tërbim kafshëror. Skena “rrëqethëse”, siç i përcaktojnë hetuesit. Të gjitha të kapura nga kamerat e sistemit të vëzhgimit me video të shtëpisë së Ciro Palmierit.
Sipas asaj që u njoftua nga prokurorët, sistemi i vëzhgimit me video shërbehej nga disa kamera të brendshme, por pamjet e 29 dhe 30 korrikut, kur ndodhi vrasja, ishin tashmë të mbishkruara.
Megjithatë, një konsulent teknik i caktuar nga prokurori ka mundur të rikuperojë pamjet që kanë të bëjnë me dy ditët.
Xhirimet në fakt riprodhuan atë që ndodhi, “që në fazën fillestare të sherrit familjar, ku Palmieri sulmohet me thika nga gruaja dhe fëmijët e tij.
Viktima u godit disa herë me thikë edhe ndërsa ishte i shtrirë në tokë.
E gjithë skena ndodhi në sy të djalit me të vogël të familjes, vetëm 11 vjeç.
Por skena horror nuk është ndalur me vrasjen e Palmierit pasi kamerat kanë filmuar edhe prerjen e njërës prej këmbëve dhe futjen e saj në qese për ta fshehur në një vend ende të paidentifikuar.
Gruaja kishte denoncuar zhdukjen e të shoqit më 30 korrik të kaluar tek karabinierët. Por historia e gruas kishte ngjallur dyshimin se rindërtimi i ngjarjes nuk korrespondonte me atë që ndodhi.
