Me moton “Festa e librit”, është hapur edicioni i III-të i Panairit të Librit, në Gostivar.
Sikurse viteve të kaluara, panairi edhe sivjet ka bërë bashkë botues nga Maqedonia e Veriut, Shqipëria dhe Kosova, si dhe mijëra lexues që do të kenë rastin të shfletojnë dhe blejnë libra deri në fund të javës nga 16 shtëpi botuese.
Panairi vjen në organizim të të Lidhja Shqiptare në Botë – Kuvendi për Maqedoninë e Veriut dhe Qendra Mozaik në Gostivar, ndërsa financiarisht mbështet nga Komuna e Gostivarit. Stendat edhe sivjet zunë vend në Amfitetarin e qytetit të Gostivarit, ku kanë shpalosur botimet e 16 shtëpive botuese në kuadër të Panirit të librit i cili për tre vite radhazi organizohet në Gostivar. Sikurse viteve të kaluara, panairi edhe sivjet ka bërë bashkë botues nga Maqedonia e Veriut, Shqipëria dhe Kosova, si dhe mijëra lexues që do të kenë rastin të shfletojnë dhe blejnë libra deri në fund të javës.
Kryetari i Lidhja Shqiptare në Botë – Kuvendi për Maqedoninë e Veriut, Shpendi Bajrami, i cila e organizion këtë panair së bashku me Qendrën “Mozaik” në Gostivar, tha në ceremoninë hapjëse se tema kryesore e panairit është motoja “Festa e librit”.
“Është një festë e cila besoj që i kthen një imazh tjetër qytetit tonë, kemi kështu vlerësim nga qytetarët të cilët e vlerësojnë si një event shumë të rëndësishëm për qytetin. U falenderojm edhe juve si media për ineteresin që jepni për këtë eveniment dhe siç e shihni ne vit pas viti lëvizim kohën e mbajtjes, fillimisht ishte qershori, pastaj korriku e tani shtatori që të prekim si target disa grupe njerëzish të cilët vërtetë kanë interes për librin dhe për festën e librit. Ky nuk është thjeshtë vetëm një panair libri, por ka edhe mbrëmje promovuese ku promovohen autor të ndryshëm dhe dhe i jepet mundësia lexuesit që të bashk-bisedojë me autorin jo vetëm përmes librit, por drejtpërsëdrjeti”, deklaroi Kryetari i Lidhja Shqiptare në Botë – Kuvendi për Maqedoninë e Veriut, Shpendi Bajrami.
Në natën e parë publiku pati mundësi të njoftohet me autorin dhe studijuesin amerikan, David Hosaflook dhe shkrimtaren nga Kosova, Alketa Gashi Fazliu. Studijuesi amerikan solli të përkthyer në anglisht veprën “Rrethimi i Shkodrës”, e shkruar në vitin 1500 nga Marlin Barleti. Autori flet me krenari për shqiptarët, ndërsa sqaron se Shqipërinë e kishte vizituar për herë të parë në vitin 1992. Me një shqipe të rrjedhshme, Hosaflook sqaron se pas gati tre dekadash nga takimi i tij i parë, sot shqiptarët i gjenë me zhvillime të mira. Ai admiron kombin tonë për mnyrat që kemi zgjedhur për t’u mbijetuar stuhive të ndryshme që na kanë ardhur nga brenda e jashtë nesh.
“Shqiptarët kanë zhvillime në drejtime të mira, në drejtime ndoshta dhe jo aq të mira. Shqiptarët kanë vuajtur historikisht prej presioneve të ndryshme, prej qeverive të ndryshme, prej pushtuesve të ndryshëm dhe unë admirojë këmbënguljen e shqiptarëve për të punuar, për të gjetur zgjidhje shumë krijuese nga një herë. Shpesh herë shqiptarët pësojnë fatin e dhimbshëm në emigracion duke jetuar larg atdheut, larg familjes por duke gjetur mënyra për të mbijetuar dhe këtë unë e admirojë’, thotë studijuesin amerikan, David Hosaflook.
“Ato gdhendin dhimbjen” mbante titullin vepra e shkrimtares dhe gazetares kosovare, Alketa Gashi Fazliu, e cila në vizitën e saj të parë ishte dashuruar me gjënë më të vlefshme të qyteti tonën, lumin “Vardar”. Vepra e saj sjellë rrëfime të dhimbshme por edhe krenarie nga nënat shqiptare të cilat kanë humbur fëmijët e tyre gjatë luftës në Kosovë.
Libri është me dëshmi autentike mbi një të vërtetë të ndodhur deri para pak vitesh në Kosovë, thotë gazetarja e televizonit publik të atjeshëm.
Gashi Fazliu apelon autorin dhe lexuesin shqiptar të mos heq dorë nga fjala e shkruar, në veçanti të rinjtë dhe shton se si komb e kemi obligim moral që dëshmitë historike t’i ruajmë.
“Ne të fushës së gazetarisë pothuajse e bëjmë çdo ditë përmes materialeve, kornikave, reportazheve që edhe mund t’i kemi nga terreni. E vërteta e hidhur qendron këtu që dëshmitarët okular të asaj periudhe kohore fatkeqësisht po na vdesin, dhe këto rrëfime që unë i kam marrë në kuadër të 15 vjetorit të pavarësisë, prandaj është edhe simbolika 15, dëshmojnë këtë të vërtetë shumë të hidhur por edhe shumë krenare dhe të lavdishme të popullit të Kosovës. Duhet bërë çmos dhe jo vetëm politika, por secili nga ne që ndjenë një obligim dhe detyrim moral dhe para së gjithash qytetarë meqense kemi monumente dhe muze që flasin akoma, t’ua kemi dëshmitë sa janë gjallë. Historia do të shkruhet, ajo nuk mund të rishkruhet por urojmë të shkruhet e drejtë”, deklaron shkrimtarja, Alketa Gashi Fazliu.
Komuna e Gostivarit e mbështet financiarisht këtë evenimet të rëndësishëm kulturor.
Kryetari i Këshillit komunal, Valbon Limani theksoi se kjo është një ngjarje që shënon Gostivarin në hartën rajonale të panaireve të librit dhe e ngrit atë kulturalisht. “Jemi në hapjen solemne të edicioni të tretë të panairit të librit dhe mund të them se ngadalë bëhet tradicional. Komuna gjithmonë i ka përkrahur këto aktivitete, posaçërisht edhe panairin e librit në dy vitet paraprake dhe kështu do të vazhdon edhe në të ardhmen që ky panair të jetë tradicional pasi ai e vendos Gostivarin në hartën rajonale të panaireve këtu. Shpresojmë të tërheq një numër të konsiderueshëm të lexuesve dhe botuesve dhe me këtë të japim kontribut që ta ndërrojmë përditshmërinë tonë dhe ti afrohemi më tepër librit”, deklaroi Valbon Limani, kryetar i Këshillit të Komunës së Gostivarit.
Panairin do të qëndroj i hapur deri ditën e diel nga ora 9 e mëngjesit deri në darkë, përderisa në natën e dytë, gjegjësisht sonte me fillim në ora 17 do të paraqiten para publikut gostivaras autorët Gani Mehmetaj, Zeqirja Dhe Zejnepe Rexhepi dhe Arbra Shabani. Në natën e tretë Gostivari do ta ketë nderin ta mirëpres Flutura Açkan dhe Valbona Hadrin. Programi i panairit është begatuar edhe me programë artistik.
