Fronti opozitar shqiptar kërkon dorëheqjen e drejtorit të Lotarisë Shtetërore dhe e fton atë të bashkëpunojë me Prokurorinë Publike për të zbardhur siç thonë ata krimet që ndërlidhen me këtë institucion shtetëror dhe kompaninë e djalit të deputetit të BDI-së, Ismail Jahoskit. Driton Sulejmani nga Alternativa thotë se Bajrami është i gatshëm të japë dorëheqje, por atë nuk e lejon shefi i tij Artan Grubi. Më 1 nëntor Policia Financiare kreu kontrolle në drejtorinë e Lotarisë Shtetërore dhe kompaninë e djalit të Jahoskit nga ku ka konfiskuar dokumente që mund të lidhen e shpërdorimet financiare gjatë marrjes me qira për 10 vite të një objekti në Vizbeg me vlerë prej 2.6 milion euro.
“A dëshiron ai të jap dorëheqje dhe a po i bën presion shefi i tij, Artan Grubi që të mos e bëj këtë. Nëse përgjigja është pozitive, ne jemi të gatshëm ta ndihmojmë për t’u çliruar nga ky presion me kusht që ai të bashkëpunon me Prokurorinë”, tha Driton Sulejmani, Alternativa.