Futbolli italian po përjeton një moment magjik, pasi Serie A shkon me 7 ekipe në fazën me eliminim direkt në të gjithë turnet evropianë. Pas Inter, Napoli e Lacio nga Liga e Kampionëve, në Ligën e Europës kaluan më tej Roma dhe Atalanta, ndërsa i bashkohet edhe Milan. Në Ligën e Konferencës vijon më tej Fiorentina.
Për momentin, duke iu referuar renditjes aktuale të UEFA, Italia qëndron në vendin e parë, e ndjekur nga Gjermania, Anglia dhe Spanja.
Premier Liga ka pësuar një rënie të ndjeshme pasi ishullorët humbën dy ekipe në Ligën e Kampionëve dhe në Evropë. Mançester Junajted dhe Njukasëll mbyllën grupet respektive në vendet e fundit.
Spanja, në Ligën e Kampionëve humbi vetëm Sevijan, që e mbylli e fundit në grup, ndërsa Gjermania humbi Union Berlin.
