Ekipet e shpëtimit në Nepal gjetën rrënojat e avionit të zhdukur të dielën me 22 persona në bord.
Mbetjet e avionit, të operuar nga transportuesi nepalez, Tara Air, u gjetën në rrethin e Mustang në Nepalin verior, tha një zëdhënës i ushtrisë së Nepalit.
Avioni i pasagjerëve ishte në një fluturim 20-minutësh kur humbi kontaktin me kontrollin e trafikut ajror pesë minuta para se të ateronte.
Ende nuk dihet nëse ka të mbijetuar nga përplasja.
Sipas raportimeve, në aeroplan ishin katër indianë, dy gjermanë dhe 16 nepalezë. Operacionet e kërkimit u penguan nga moti i keq dhe terreni malor dhe rifilluan të hënën në mëngjes.
Imazhet e postuara në Twitter nga një zëdhënës i Ushtrisë Nepaleze treguan mbetjet e avionit.
“Trupat e kërkim-shpëtimit kanë lokalizuar fizikisht vendin e rrëzimit të avionit”, tha Narayan Silwal në Twitter.
Avioni ishte nisur nga qyteti turistik i Pokharas dhe ishte nisur për në Jomsom – një vend i njohur turistik dhe pelegrinazhi.
Nepali ka pasur një rekord të aksidenteve të aviacionit, shpesh për shkak të ndryshimeve të papritura të motit dhe pistave ajrore të vendosura në terrene shkëmbore.
Në fillim të vitit 2018, një fluturim SHBA-Bangla që ishte duke transportuar 71 persona nga Dhaka në Bangladesh ka marrë flakë teksa është ulur në Katmandu, ku janë mbytur 51 persona.
Kohët e fundit, tre persona kanë vdekur në një aksident avioni në prill 2019, kur avioni ka dalë nga pista dhe ka goditur një helikopter në Aeroportin Lukla – i konsideruar si një nga pistat më të ndërlikuara, shkruan BBC./21Media/
