Gjermania është zotuar të mbështesë aleatin e saj në NATO, Poloninë në mbrojtjen e krahut të saj lindor në rast të një sulmi të mundshëm nga luftëtarët Wagner në Bjellorusinë fqinje, shkruajnë mediat e huaja.
Gjatë një konference për shtyp në Pragë të premten, ministri gjerman i Mbrojtjes Boris Pistorius iu përgjigj një pyetjeje nëse Gjermania ishte e shqetësuar nga prania e grupit Wagner në Bjellorusi dhe perspektiva e një sulmi përgjatë kufirit të Polonisë.
“Ne jemi të gjithë bashkë, gjithmonë në koordinim më të ngushtë, jo vetëm kur takohemi fizikisht në nivel ministrat e Mbrojtjes, por edhe ndryshe. Aty ku miqtë tanë polakë kanë nevojë për mbështetje, nëse më e keqja vjen tek më e keqja, ata do ta marrin atë”, u përgjigj Pistorius.
Luftëtarët nga Wagner mbërritën në Bjellorusi pas një rebelimi jetëshkurtër nga kompania private ushtarake muajin e kaluar. Të mërkurën, shefi i Wagner-it, Yevgeny Prigozhin, u pa në një video duke përshëndetur trupat e tij në vend. Ministria e Mbrojtjes e Bjellorusisë tha të enjten se forcat bjelloruse do të zhvillojnë stërvitje të përbashkëta ushtarake me luftëtarët pranë kufirit polak.
