Qeveria holandeze po ndalon telefonat celularë, tabletët dhe orët inteligjente në klasa për të minimizuar shpërqendrimet, përveç rasteve kur pajisjet elektronike janë të nevojshme për studentët. Ministria e Arsimit të Holandës tha se ndalimi do të zbatohet nga 1 janari 2024. Do të bëhen përjashtime për mësimet mbi aftësitë dixhitale, ose nëse nxënësit me aftësi të kufizuara ose kushte të tjera mjekësore kanë nevojë për pajisjet. Ministri holandez i Arsimit, Robbert Dijkgraaf tha se telefonat celularë nuk i përkasin klasës, edhe pse ata “janë të ndërthurur me jetën tonë”. “Studentët duhet të jenë në gjendje të përqendrohen dhe duhet t’u jepet mundësia për të studiuar mirë. Telefonat celularë janë një shqetësim, tregojnë kërkimet shkencore. Ne duhet t’i mbrojmë studentët nga kjo,” shtoi ai në një deklaratë. Vendimi holandez pason një të ngjashëm në Finlandë të shpallur javën e kaluar. /Alsat.mk
