Dy djem u arrestuan mbrëmë për planifikimin e sulmeve terroriste në Vjenë në një koncert të këngëtares amerikane të muzikës pop, Taylor Swift.
Një nga të arrestuarit ishte një 19-vjeçar nga qyteti austriak i Ternikut, prindërit e të cilit ishin nga Maqedonia e Veriut. Mediat në Austri i referohen atij si Muhammed pa specifikuar nëse është emri i tij i vërtetë dhe cili është mbiemri i tij.
Ai ka lindur në Austri dhe konsiderohet i dyshuari kryesor për sulmet terroriste.
“Është marrë një kërkesë nga autoritetet austriake në Ministrinë e Brendshme, për kontrollin e një personi me origjinë nga Maqedonia, i cili dyshohet për një sulm të planifikuar terrorist në Vjenë. Ne veprojmë sipas kërkesës së dorëzuar”, thonë nga MPB.
Policia tha gjithashtu se përbërës kimikë ishin gjetur tek 19-vjeçari nga Maqedonia dhe mediat austriake raportuan se ai synonte të bënte bomba me to.
“Gjatë një kontrolli në shtëpinë e 19-vjeçarit të arrestuar në Ternic, u gjetën disa substanca kimike dhe mjete teknike. Ata tani janë lëndë nën hetim. I dyshuari u radikalizua ndoshta në internet dhe vetëm disa javë më parë u betua për besnikëri ndaj udhëheqësve të grupit terrorist të Shtetit Islamik”, tha Franc Ruf, Drejtor i Sigurisë Publike në Ministrinë e Brendshme të Austrisë.
Përveç Muhamedit, u arrestua edhe një person tjetër – një djalë 17-vjeçar që punonte në stadiumin ku do të mbaheshin koncertet.
Sipas informacioneve nga policia austriake, tre persona të tjerë janë në arrati.
Policia austriake nuk zbuloi detaje të mëtejshme në lidhje me sulmet e planifikuara, as në lidhje me marrëdhëniet midis dy të arrestuarve, por u theksua se personat u gjurmuan përmes rrjeteve sociale, të cilat policia theksoi se u zhvilluan në formë të koduar.
Gjithsej 195,000 njerëz duhej të merrnin pjesë në tre koncertet e Taylor Sëift në stadiumin Ernst Happel në Vjenë, si dhe 20,000 fansa të tjerë për të dëgjuar koncertet jashtë stadiumit.
Disa media austriake spekulojnë se sulmuesi 19-vjeçar kishte planifikuar të ngiste makinën e tij drejt turmës, që do të mblidhej para stadiumit për koncertin dhe thuhet se kishte menduar të përdorte thika.
Ndërkohë, rreth gjashtëdhjetë familje u evakuuan gjatë kontrollit të hapësirës rreth shtëpisë së tij. / Alsat.mk
