Pierre-Emerick Aubameyang ka dhënë një përgjigje të prerë pasi u pyet për interesimin e Chelseat për shërbimet e tij.
Raportet në Spanjë pretendojnë se Barcelona duhet të shesë të paktën njërin mes Aubameyang dhe Memphis Depay për të ndihmuar në balancimin e financave të tyre të stuhishme.
Sulmuesi nga Gaboni ka qenë i lidhur me një rikthim në Ligën Premier, ku Blutë e Londrës u raportua se janë të interesuar.
Tashmë ka ardhur edhe përgjigja e 33-vjeçarit për një transferim të mundshëm në Stamford Bridge.
“Nuk kam asgjë për të thënë”, është përgjigjur Aubameyang për BarcaCentre, kur u pyet për thashethemet rreth Chelseat.
Besohet se Aubameyang do të hezitonte të largohej nga Katalunia, pasi sapo ka ardhur nga Arsenali në afatin kalimtar të janarit.
Sidoqoftë, Chelsea po vazhdon bisedimet me Barcelonën për një transferim të mundshëm prej rreth 25 milionë eurosh.
