Edicioni 2021-2022 i Kupës së Italisë arrin në aktin final. Sonte është finalja që do të vendosë se cila skuadër do ta ngrejë trofeun në qiell. Pretendentë do të jenë Juventusi dhe Interi, të cilët do t’i japin jetë “Derby d’Italia” të katërt të sezonit në stadiumin olimpik të Romës. Në fakt, është derbi më i rëndësishëm.
Dy skuadrat, pasi kanë sfiduar tashmë njëra-tjetrën në Serie A (një barazim dhe një fitore për zikaltrit) dhe në Superkupën e Italisë (sukses i milanezëve pas kohës shtesë), janë gati t’i mbyllin hesapet për këtë sezon futbollistik.
Juventusi, rekordmeni absolut i Kupës së Italisë me 14 triumfe dhe mbajtës i trofeut, arriti deri këtu pasi kapërceu pengesat e Sampdorias, Sassuolos dhe Fiorentinës.
Empoli, Roma dhe Milani ishin skuadrat e eliminuara nga Interi, i cili ka në virtinën e vet 7 Kupa të Italisë, e fundit prej të cilave në vitin 2011.
Massimiliano Allegri do të dizajnojë Juventusin e tij me një 4-2-3-1, në të cilin ‘portieri i kupës’, Perin, do të vazhdojë të mbrojë kuadratin bardhezi. Përpara tij një linjë mbrojtëse me De Ligt dhe Chiellini në mes, Danilo dhe Alex Sandro në krahë, majtas dhe djathtas.
Zakaria dhe Rabiot do të përbëjnë dyshen e mesfushës, ndërsa në mbështetje të sulmuesit të vetëm Vlahovic do të jenë Cuadrado, Dybala e Bernardeschi.
3-5-2 i zakonshëm për Simone Inzaghin, i cili përpara Handanovic do të organizojë një treshe mbrojtëse që përfshin Skriniar, De Vrij dhe Bastoni.
Dumfries dhe Perisic do të kryesojnë pjesën e jashtme, ndërsa çelësat e mesfushës do t’i besohen Brozovic, me Barella dhe Calhanoglu në brendësi. Në sulm hapësirë për çiftin Lautaro Martinez-Dzeko.
Ja formacionet e mundshme:
JUVENTUS (4-2-3-1): Perin; Danilo, De Ligt, Chiellini, Alex Sandro; Zakaria, Rabiot; Cuadrado, Dybala, Bernardeschi; Vlahovic.
INTER (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Perisic; Lautaro, Dzeko.
