Pjesa më e madhe e merkatos së ardhshme të transferimeve të Juventusit sillet rreth Dushan Vlahoviçi, kjo tashmë është e qartë. Për një derë që mbyllet, duke qenë se PSZH-ja e ka zhvendosur vëmendjen te Gonzalo Ramos, megjithatë, një tjetër mund të hapet.
Pikërisht ajo e Real Madridit. Nga njëra anë, “Los Blancos” vazhdojnë të ëndërrojnë për Kylian Mbappé, nga ana tjetër, megjithatë nuk janë të sigurt që francezi do të jetë i lirë këtë verë dhe për këtë arsye mbajnë të hapur çdo alternativë, pasi kanë nevojë për një qendërsulmues për të zëvendësuar Karim Benzema, i cili ka shkuar në Arabinë Saudite.
Në këtë kuptim, serbi i Juventusit është i preferuari i Karlo Ançelotit, i cili e telefonoi personalisht në orët e fundit për t’i shprehur vlerësimin dhe për ta mbajtur në një farë mënyre “ngrohtë”. Turneu amerikan mund të jetë vendimtar në këtë kuptim, duke qenë se më 3 gusht Juventusi dhe Real Madridi do të takohen në fushë.
Rasti, siç ndodh shpesh në merkato, do të jetë gjithashtu i mirë për të bërë një bisedë nga perspektiva e tregut. Spanjollët duan Mbappe, të cilin, megjithatë, PSZH nuk dëshiron ta lirojë për më pak se 200 milionë euro, pavarësisht se kontrata i skadon verën e ardhshme. Ja pra hipoteza B, që e çon te Vlahovic.
Në të njëjtën kohë, duke e ditur se më 2024 do ta kenë Mbape pa asnjë kosto, madrilenët do të donin të merrnin një sulmues me huazim të shtrenjtë, me të drejtë blerjeje, një formulë që Juventusi nuk e merr parasysh.
Nëse Vlahoviç shitet, do të jetë vetëm për të larë një pjesë të llogarive (siç tha Xhiuntoli) dhe për të pasur burimet e duhura financiare për të shkuar te zëvendësuesi, Romelu Lukuku. E përkthyer: nevojitet një minimum prej 80 milionë eurosh për të siguruar që Juve të vendosë ta privojë veten nga serbi.
