Manchester Unitedi ka ofruar një “rrogë të çmendur” për të siguruar nënshkrimin e superyllit të Real Madrid-it, Karim Benzema, sipas raportimeve të medieve britanike.
Në tetor, Benzema u kurorëzua fituesi i Topit të Artë, pasi shënoi 44 gola në 46 ndeshje për Real Madrid-in. Gjatë asaj kohe “Los Blancos” fituan Champions League, një titull në La Liga, si dhe një Superkupë Spanjolle dhe Evropiane.
34-vjeçari u bë lojtari më i vjetër që fitoi çmimin që kur Stanley Matthews e mori atë në edicionin e parë në 1956, ndërsa ai u bë gjithashtu francezi i parë që fitoi Topin e Artë që nga Zinedine Zidane në 1998.
Megjithatë, që atëherë francezi ka luajtur më pak se 30 minuta për Real Madrid-in për shkak të dëmtimit, ndërsa ai u detyrua të humbasë edhe Kupën e Botës në Katar.
Me përfundimin e kontratës së Benzema-s në verën e ardhshme, ka pasur spekulime se sulmuesi mund të transferohet diku tjetër, larg “Santiago Bernabeu”-t.
United dhe Paris Saint-Germain thuhet se kanë bërë oferta për Benzema-n. Skuadra e Erik ten Hag ka nevojë urgjente për përforcime sulmuese, me vetëm Marcus Rashford dhe Anthony Martial në krye.
Dhe botimi spanjoll “Nacional” e ka lidhur tani Benzema-n me një transferim te United pasi “Los Blancos” dyshohet se i ofruan atij vetëm një marrëveshje të re njëvjeçare.
Raporti pretendon se bisedimet midis përfaqësuesve të Benzema dhe presidentit të Real-it, Florentino Perez janë “paralizuar” dhe se gjigantët e La Ligës “rrezikojnë të humbasin” hajmalin e tyre.
“Nacional” shtoi se United i kishte ofruar Benzema-s “një rrogë të çmendur”, pasi kishte kursyer midis 15 dhe 30 milionë paund me largimin e Cristiano Ronaldo (sipas “The Athletic”).
Kushtet supozohet se do të ishin “shumë më të larta” se sa Benzema mori në Madrid, ndërsa United e ka siguruar gjithashtu yllin francez se ai do të ishte një titullar “i padiskutueshëm”.
Sigurisht, prania e ish-shokëve të skuadrës së Real Madrid, Casemiro dhe Raphael Varane në “Old Trafford” mund të ndihmojë gjithashtu çdo marrëveshjeje të ardhshme për Benzema.
