Stefano Pioli arriti të rikthejë kuqezinjtë titullin kampion në Seria A, pas 11 vitesh pritje.
Gjithashtu për të vërtetuar diçka të tillë, atij iu dorëzua edhe çmimi individual si “Trajneri i Vitit” në kampionatin italian, teksa pas ndeshjes trajneri i Milan theksoi së është shumë i lumtur për këtë triumf, teksa këtë trofe ua dedikon të gjithëve, pasi ishte një titull i merituar.
“Lojtarë e mi janë të jashtëzakonshëm. Jam i lumtur për ta, për veten, për stafin, për klubin dhe tifozët që e kanë merituar këtë titull. Jam shumë i mirë. Kemi pasur më shumë vazhdimësi se Interi.
Ndeshja e fundit që humbëm ishte kundër Spezias dhe nuk duhej ta humbnim. Skuadra nuk u dorëzua kurrë, lojtarët ishin fantastikë, të gjithë, ata që luajtën më shumë dhe ata që luajtën më pak. E merituam titullin sepse besuam më shumë te titulli. E merituam sepse jemi një ekip i fortë dhe unë kisha në krah dy trajnerë të mëdhenj si Maldini dhe Massara”.
“Stafi dhe unë jemi argëtuar shumë duke punuar me këta djem. Lojtarët e dinë mënyrën tonë të lojës. Është gjëja më e mirë që mbetet nga puna jonë. Ne donim të përmirësonim kampionatin e vitit të kaluar dhe e dinim se nëse do e bënim, atëherë do të luftonim për diçka të rëndësishme. Jemi një skuadër e fortë që gjithmonë ka besuar. Kemi qenë të guximshëm”.
“Paraqitjet e Milanit? Gjithmonë dua të përmirësoj lojtarët e mi, por talenti i tyre është thelbësor në këtë. Nëse përmirëson individët, përmirëson të gjithë ekipin dhe anasjelltas. Ishte një rrugë që na bëri të jemi më të fortë. Urime të gjithëve”.
“Unë trajneri i vitit? Është falë djemve dhe klubit, është për ata. Pa ata nuk do të ishte e mundur ajo që bëmë. Ja dedikoj titullin babait tim. Jam i sigurt se kudo të jetë do të jetë i lumtur dhe krenar për atë që kam bërë”, përfundoi Pioli.
