MPB: Sot hyn në fuqi obligimi për posedim të pajisjeve dimërore tek automjetet

Ministria për Punë të Brendshme (MPB) njofton qytetarët se nga sot hyn në fuqi rregulli për posedim të pajisjeve dimërore në automjete.

“Informojmë qytetarët se nga sot, 15 nëntor deri më 15 mars, duhet të kenë pajisje dimërore në automjete. Apelojmë tek qytetarët që të respektojnë obligimin ligjor për posedim të pajisjeve dimërore, sepse në këtë mënyrë mundësojmë qarkullim të qetë dhe të sigurt në rrugë në kushte dimërore”, thuhet në njoftimin e MPB-së.