Në janar do të mund që të tre blloqet e TEC Manastir të punojnë në të njëjtën kohë dhe të prodhojnë energji elektrike, tha drejtori i përgjithshëm i SHA EMV, Vasko Kovaçevski.
Në një konferencë për media në TEC Manastir, Kovaçevski konfirmoi se sot pasdite transformatori i nevojshëm për punë në sezonin e ngrohjes në vazhdim do të arrijë nga Stambolli me anije për në Selanik.
“Transformatori për TEC Manastir, Blloku-3 kishte probleme në transport, por sot pasdite transformatori do të transportohet me anije nga Stambolli sot pasdite në Selanik, ku ka ekipe nga TEC Manastir për të marrë transformatorin, dhe pastaj nesër transporti do të niset për në Manastir, gjegjësisht për dy deri në tre ditë për të arritur në pikën kufitare Mexhitlia.
Jemi gati të pranojmë transformatorin, ta instalojmë në pozicionin e tij dhe të fillojmë lidhjen me rrjetin, që zakonisht zgjat 14 ditë. Kjo do të thotë se kah fundi i këtij muaji ose fillimi i janarit, deri më 10 janar, duhet të kemi në funksion Bllokun-3 në sezonin aktual të ngrohjes. Në janar do të mundësohet që të tre njësitë e TEC Manastir të punojnë në të njëjtën kohë dhe të japin energji elektrike”, tha Kovaçevski./Telegrafi/
