Organizata e Kombeve të Bashkuara ka miratuar mbrëmë kërkesën e Turqisë për ndryshimin e emrit në Türkiye, ka konfirmuar zëdhënësi i Sekretarit të Përgjithshëm të OKB-së, Antonio Guterres.
Kërkesa zyrtare për ndryshimin e emrit ishte dërguar nga ministri i Jashtëm turk, Mevlut Cavusoglu. Vendimi për ndryshimin e emrit ka hyrë menjëherë në fuqi, dhe sipas mediave turke, nga tani emri Türkiye do të përdoret në të gjitha forumet ndërkombëtare dhe dokumentet zyrtare.
Cavusoglu tha se ndryshimi u miratua si pjesë e hapave që synojnë rritjen e prestigjit të vendit në arenën ndërkombëtare. Emri i ri do të jetë edhe në produktet të prodhuara në vend.
